DAR mihatag ug suporta sa mga proyekto nga ‘Gulay sa Buhay,’ ‘Bahay Magsasaka’ didto sa Catigbian 

Sinulat ni Dave Albarado gikan sa taho sa Philippine Information Agency

Mihatag si Kalihim John Castriciones sa Department of Agrarian Reform (DAR) iyang suporta ngadto sa proyekto nga magtukod ug mga balay alang sa mga maguuma ug ang programa sa food security nga ipahamtang sa lungsod sa Catigbian.

Sayo niini, mihangyo ang Sangguniang Bayan (SB) sa Catigbian, ngadto sa DAR aron itukod ang programang Gulay sa Buhay ug Bahay Magsasaka. 

Ang programa nga gitawag nga Gulay sa Buhay usa kini ka paagi aron maseguro ang supply sa pagkaon.

Sa laing bahin, ang programa nga Bahay Magsasaka, usa kini ka proyekto nga maghatag ug balay ngadto sa mga mag-uuma.

Gipadayag ni Castriciones  ang iyang suporta human siya midu-aw sa naasoy nga lungsod diin miapod-apod siya ug Certificate of Land Ownership Award (CLOA) ngadto sa mga benepisyaryo  sa programa sa reporma sa agraryo.

Atol sa pagbisita ni Castriciones, gi-tunol  sa mga sakop sa SB ang usa ka gipanday nga resolusyon diin gi-awhag ang DAR alang sa hangyo nga iapil ang  lungsod sa maong naasoy nga mga programa. 

Malaumon ang lungsod sa Catigbian nga maapil sa Gulay sa Buhay aron maseguro ang pagkaon sa mga banay sa mga mag-uuma ug mahimong laing paagi diin madugangan ang kita sa  mga mag-uuma

Sa laing bahin,  adunay mga mag-uuma sa lungsod sa Catigbian nga wala pa nakabaton ug bag-ong balay human ang ilang mga panimalay na daot gumikan sa linog nga miigo sa Bohol niadtong 2013.

Ang kahimtang sa mga maguuma  nga wala nakabaton ug bag-ong balay maoy nag-aghat sa SB nga muhangyo ug tabang gikan sa DAR.

Ang Bahay Magsasaka, usa ka programa sa pabalay diin  dili kaayo mahal ang bayranan.

Si Castriciones  nakigsabot na sa Department of Human Settlements and Urban Development aron mahatagan ug pundo ang maong programa gikan sa Home Development Mutual Fund.

“In our attempt to change the landscape of the rural areas, we have asked Local Government Units to find us not less than 4,000 square meters where we can build packets of low cost houses for farmers,” he said.

The house measures 36 square meters, with two bedrooms, a living room, a dining room, toilet and granite floor, and equipped with solar power for energy.        

Castriciones said the house can be built on-site, or within the lot which they awarded to farmers, or to an off-site area where 20-40 houses can be clustered in a community.

Gipasaligan ni Castriciones ang mga taga SB sa Catigbian nga hatagan ang hangyo ug igong pagtagad.