Sinulat ni Elvira Bongosia
Tungod sa nagkadaghang kaso sa coronavirus disease (Covid) sa lalawigan sa Bohol, ang mga empleyado ug bisita nga mosulod sa Provincial Capitol, kinahanglang magsuot nasad ug balik sa face shield sugod niadtong Abril 19, 2021, aron mapugngan ang pagkatap sa virus.
Sa syudad sa Tagbilaran, ang mga residente kinahanglang magsuot ug face mask ug face shield kun mosulod sa city hall, sa mga buhatan sa gobyerno ug mga pampublikong merkado sa syudad.
Ang mga dili mosunod niini mag-atubang ug silot nga pagka-bilanggo ug hangtod unom ka buwan ug multa gikan P3,000 ngadto sa P5,000 base sa nakalatid sa ordinansa C-305.
Kaniadto, gipahamtang usab sa maong duha ka buhatan sa gobyerno ang pagsuot ug face shields sa niaging tuig sa tanan nilang mga empleyado ug bisita.