Sinulat ni Elvira Bongosia
Gitagsa-tagsa sa Department of Health (DOH) ang nag-unang mga hinungdan nga magduhaduha ang ubang mga tawo nga magpabakuna batok sa Coronavirus disease (Covid).
Matud pa ni DOH Usec. Maria Rosario Vergeire nga pinasikad sa gipahigayong survey sa DOH, ang nag-una sa hinungdan mao ang paghuna-huna sa mga Pilipino sa mahimong side effects sa bakuna.
Midugang si Vergeire sa pagtaho nga sa 43,000 ka mga tawo nga misalmot sa maong survey, ang ikaduhang hinungdan mao ang mga nabasang sayop nga balita o fake news sa social media.
Samtang ikatulong hinungdan mao ang pagduda sa ka-epektibo sa bakuna.
Tungod niini, miingon ang opisyal sa DOH nga angay magbaton ug halapad nga pagpasabot ang mga katawhan aron mawala ang ilang mga kahadlok kabahin sa bakuna.
Matud pa ni Vergeire nga tungod sa sangputanan sa maong survey, gipagawas ug gipasulti ang mga ekspyerto aron ipasabot sa mga katawhan nga luwas ug epektibo ang mga bakuna.
Midugang pa si Vergeire sa pag-ingon nga nag nag pahigayon ug aduna nay 75 ka mga tigom ang kagamhanan aron ma-awhag ang publiko nga ang bakuna sa Covid luwas sa kinatibuk-an.
Giingong wala pa usab matala ang balita kabahin sa seryoso ug dili mayo nga epekto sa bakuna sama sa kamatayon sa gibakunahan.
Sa pagkakaron, nakabakuna na ang nausd ug dili mo menus sa 150,000 ka mga indibiduwal matag adlaw, pinasikad sa pahayag ni vaccine czar Carlito Galvez Jr.