Presyo sa RT-PCR test sa nasod, paubsan – DOH 

Sinulat ni Elvira Bongosia

Posibleng ubsan ang price cap sa real time-polymerase chain reaction (RT-PCR) test aron daghang katawhan ang mahimong maka-access niini.

Sa usa ka pahayag, miingon si Department of Health (DOH) Usec. Maria Rosario Vergeire nga nag-prisintar na ug bag-ong price cap alang sa RT-PCR tests ang Inter-Agency Task Force (IATF).

Ang RT-PCR test gikonsiderar nga “gold standard” nga mokabat sa kantidad nga P3,800 sa kasagarang public laboratories ug hangtod P5,000 sa mga pribadong laboratories sa nasud.

Gipasabot ni Vergeire nga ang gipatuman karon nga patakaran ang angay nga bayran lamang sa usa ka indibidwal nga mao ang operational costs tungod kay donasyon sa DOH ang mga test kit.

Matud pa ni Vergeire nga kasagaran sa mga pasyente dili mopaubos sa Coronabjrus disease (Covid) -RT-PCR testing tungod kay mahal ang presyo niini.

Giingong labi na karon nga nagkasaka ang mga kaso, ang DOH ang naghatag ug libreng testing kits sa mga local government units (LGU) aron mapatuman ang ilang active case finding ug makahatag ug libreng serbisyo sa katawhan.

Gipasabot pa ni Vergeire nga ang angay masabtan sa publiko mao ang pagdugang ug mga pagsusi ang ginahimo aron makita ang mas daghang positibong kaso, aron nga malahi kini ug malikayan ang mas daghang viral transmission.

Kahinumdoman nga gimanduan ni Presidente Rodrigo Duterte ang DOH ug Department of Trade and Industry (DTI) nga magtakda ug price ceiling sa Covid est human sa gitahong overpricing.