Sinulat ni Dave Albarado
Si Koop Kampi Partylist 2nd nominee, Benjie Oliva nanghatag ug mga sin (G.I. sheets) para mga residente sa mga apektadong mga lungsod nga naigo sa bagyong Odette.
Mokabat sa 3,696 kapin nga sin ang gipanghatag ni Oliva, kinsa kanhi National Youth Commissioner ug chairperson sa Cooperative Development Authority para mga benipesyaryong residente nga mga apektadong ni Odette.
Ang pagpanghatag iyang gihimo niadtong adlawng Sabado, matud sa taho.
Gawas sa mga sin nanghatag usab si Oliva og relief packs sa lungsod sa Ubay.
Adunay 500 ka relief packs ang gihatag sa mga lumulupyo sa barangay Gabi sa Ubay ug kapin sa 1,000 nga relief packs alang sa lungsod sa Pres. Carlos P. Garcia.
