Sinulat ni Dave Albarado
Si 3rd district Kristine Alexie Tutor mipadayag ug pagampo sa mga biktima sa trahedya nga nahitabo didto sa lungsod sa Loay diin nahugno ang karaang taytayan sa maong dapit nga naila nga Clarin bridge.
Ang paghagsa sa taytayan nakakalas ug dili mumenus sa 4 ka kinabuhi. Sa maong hitabo, dili moubos sa 20 ka mga tawo ang nakalingkawas sa kamatayon.
Nahitabo ang pagkahagsa niadtong Apr. 27, 2022 sa kahaponon didto sa Loay – usa ka lungsod sa tersero distrito, ang distrito ni Tutor.
“Atong i ampo ang mga biktima sa nahugno nga Old Clarin Bridge sa Loay,” matud pa ni Tutor sa iyang Facebook post.
“Let us offer our prayers for all the victims & most especially their families,” dugang pa niya.
