Sinulat ni Elvira Bongosia
Gi-aprubahan na ni Presidente Rodrigo Roa Duterte ang usa ka bag-ong balaod diin mas taas na ang validity sa lisensya sa pagdala ug armas.
Ubos sa Republic Act 11766, imbis nga duha ka tuig, gi-uswag na ngadto sa lima hangtod 10 ka tuig ang license to carry firearms sa usa ka indibiduwal.
Gi-usab sa bag-ong balaod ang registration sa mga armas gikan sa upat ka tuig mahimo nang lima hangtod 10 na ka tuig.
Nakabase ang renewal sa lisensya sa birthdate sa usa ka licensee.
Kun mapakyas ang licensee nga makapa-renew sa lisensya ug duha ka higayon, ma-disqualify na kini sa pag-apply ug lisensya.
Samtang exempted sa balaod ang mga elected officials apil na ang mga active ug retired military ug law enforcement personnel.
Gilagdaan sa Pangulo kining balaod niadtong Mayo 6, 2022.
