Sinulat ni Elvira Bongosia
Nagmugna na ang administrasyong Duterte ug transition committee nga maghatag ug kasiguradohan sa hapsay nga pagbalhin ug gahum sa Hunyo 30, 2022.
Sa iyang Talk to the People, miingon si Executive Secretary Salvador Medialdea nga nagpagawas na si Presidente Rodrigo Roa Duterte ug Administrative Order 47 alang sa pagmugna ug Presidential Transition Committee (PTC).
“The PTC will oversee the implementation of the transition activities of the entire government and see to it that delivery of services to the public remains unhampered,” matud pa ni Medialdea.
Dugang pa niini nga ang AO nagmando usab sa tanang departmento, bureaus, ug instrumentalidad sa gobyerno sa pagmugna ug ilang kaugalingong internal transition committees.
Si Medialdea ang magsilbing chairperson sa komite.
Ang mga miyembro niini gilangkoban nilang Department of Foreign Affairs (DFA) Kalihim Teodoro Locsin Jr., Department of Finance (DOF) Kalihim Carlos Dominguez III, Department of Budget (DBM) Undersecretary Tina Rose Marie Canda, ug Socioeconomic Planning Kalihim ug National Economic and Development Authority (NEDA) chief Karl Kendrick Chua. “We will work closely with the representatives of the incoming administration to ensure a peaceful and orderly transfer of power,” pasalig pa ni Medialdea.
