Sinulat ni Elvira Bongosia
Gi-awhag sa Department of Health (DOH) ang publiko sa pagdonar ug dugo aron makatabang sa pagluwas ug kinabuhi.
Gipahayag kini ni DOH Undersecretary Maria Rosario Vergeire dungan sa kasaulogan sa “National Blood Donors Month.”
“Sparing 15 minutes of your time can save at least three lives,” awhag pa ni Vergeire.
Matud pa sa Kalihim nga mas daghang benepisyo kaysa peligro ang resulta sa paghatag ug dugo sama sa pagpaubos sa risgo sa atake sa kasingkasing, pagkunhod sa mga kahigayonan nga magka-cancer, ug pagbaton ug mas maayo nga mental nga kahimtang.
Gi-awhag ni Vergeire ang publiko nga bisitahon ang official Facebook page sa DOH- National Voluntary Blood Services Program (NVBSP) sa facebook.com/doh.nbvsp aron makakuha ug impormasyon kalabot niining inisyatiba.
“Be a life saver, not only in July, but throughout the year by joining the initiatives of the DOH-NVBSP,” panawagan pa ni Vergeire.
