Sinulat ni Rey Anthony Chiu
Bukas na ang “acute stroke unit,” sa Governor Gallares Memorial Hospital, ug basta lamang madala sa hospital ug sulod sa tulo ka oras, maatiman sa mga tinugyanan sa acute stroke unit, mahimong dili nama-baldado ang pasyente.
Kini maoy gipadayag ni GCGMH Chief of hospital Dr. Mutya Kismet Macuno, sa labing ulahi nga pakighinabi sa media.
Ang cardio vascular disease maoy ikatulo nga labing delikado nga sakit makamatay, ug kun dili masayohan ug tambal, mahimong moresulta sa pagka-stroke o pag-atake nga maghimong baldado sa usa ka pasyente.
Nahimong ilado nga sakit nga mopakita sa dagway sa heart attack o pag-atake sa kasingkasing, maoy resulta sa pagbugon sa dugo sa mga ugat sa utok, o pag clot niini nga makaingon sa paghikaw sa oxygen sa ubang parte sa lawas.
Kini maoy gitawag ug ischemic stroke.
Kong maputlan sa supply sa dugo ang parte sa utok, mamatay kini ug kini maoy makaangin sa paglihok sa pipila ka parte sa lawas, nga mahimong moapekto sa panghunahuna ug sa pagpamati.
Ang bugon sa ugat sa utok o sa ulo, gitawag sa mga propsesyonal ug intra-cranial hemorrhage.
Ang bugot sa utol o sa ulo, kinahanglan gayud nga matunaw sulod sa tulo ka oras human sa pag-atake, aron may purohan pa ang pasyente nga makapahiuli sa lawas.
Matud ni Macuno, dungan sa ilang pagbukas sa acute stroke unit, nakapalit na usab sila sa mahalon nga tambal nga kinahanglang ikadapat sulod sa tulo ka oras sa pag-atake, aron mapahiuli pa ag pasyente.
Hinuon, ang stroke nga molahus na ngadto sa intracranial hemorrhage, mas menos ngadto sa mga medyo batan-on page dad.
Alang sa mga pasyente nga mahatagan sa husto nga pag-atiman sa acute stroke unit mas modaku ang tsansa nga mabuhi ug mahibalik ang kaaskil sa lawas kong itnadi niadtong mga pasyente nga giatiman apan dili sa acute care unit.
Dayag sa physician, nakapalit na ang hospital sa Bohol sa tambal nga activase, nga maoy mopalihok sa lawas nga ,agpagawas ug enzyme nga plasmin, ngao maoy mopulpol ug modugmok sa mga bugonbugon aron mapasayon na sa dugo nga modagayday ug balik sa barado nga ugat.
Tugod niini, mahatagan na ug mas dako nga posibilidad nga maluwas ang mga pasyente nga makasulod sa GCGMH tungod sa dinaliang pag-atiman sa stroke.