ni Jose “joesum” Sumampong, Jr
ANG SAYSAY SA KAAGI
SA SANTOS KARONG ADLAWA
ABRIL 23, 2023
Saint George
Saint of the Day for April 23
(c. 280 – April 23, 303)
Saint George’s Story
Si Saint George maoy nakabaton og halapad nga
imahinasyon. Adunay rason nga siya pagaisipon
nga usa ka matuod nga martir nga nag-antos
didto sa Lydda sa Palestine, sa panahon nga
wala pa si Constantine. Ang Simbahan may
lawom nga paghandum sa iyang kaagi; apan dili
sa mga kasugiran / legends nga naglibot sa iyang
kinabuhi. Nga andam gayod siya sa labing mahal
nga pagbayad sa presyo sa pagsunod kang
Kristo. Mao kini ang gituohan sa Simbahan. Ug
igo na kana.
Ang saysay nga si George nagpatay og dragon,
sa iyang pagpanalipod sa anak nga babaye sa
hari ug ang iyang pagdani sa Libya ngadto sa
pagtuo, maoy gamagama nga sugilanon sa ika-12
nga siglo. i Si George mao ang paboritong
Santos nga Patron sa mga crusaders, ug usab
sa mga Eastern soldiers niadtong mga karaang
panahon. Siya ang Santos nga Patron sa mga
dapit nga England, Portugal, Germany, Aragon,
Catalonia, Genoa, ug Venice.
PAMALANDONG
Ang kinaiyang tawhanon nangandoy og labaw
kay sa unsay pinasikad sa estorya sa kasysayan
/ historical data. Ang mga Americano anaay
Washington ug Lincoln, apan usab naa usab si
Paul Bunyan. Ang kinabuhi ni Saint Francis of
Assisi makadasig na, apan pipila ka mga siglo
4
nga ang mga Italiano nagahandum sa mga
sugidlanon / legends ni Fioretti, nga
mahinungdanon usab. Si Santa Claus usa ka
mugna gikan sa espirito ni Saint Nicholas. Ang
mga sugidlanon / legends kabahin ni Saint
George maoy parte niining maong pangandoy.
Ang sugilanon / fact ug sugidlanon / legend mao
ang mga tawhanong kahimanan sa pagsabot sa
mga katingalahang kamatuoran kabahin Kaniya
nga mao lamang ang tinubdan sa kabalaan.
Si Saint George maoy Santos nga Patron sa mga:
Boy Scouts
England
Portugal
Kasundalohan
Germany
SUGYOT NGA PAHIDUNGDAN SA PAG-AMPO: