Ni Padre Jose “joesum” Sumampong, Jr.  

—————————————————————

ANG SAYSAY SA KAAGI

SA SANTOS KARONG ADLAWA

PEBRERO 4 ,  2024

Saint Fidelis of Sigmarigen and Saint Joseph of Leonessa | Giovanni Battista Tiepolo” 

Saint Joseph of Leonissa

Saint of the Day for February 4

(January 8, 1556  – February 4, 1612)

Saint Joseph of Leonissa’s Story

Si Joseph natawo sa Leonissa sa gingharian sa Naples. Isip batan-on ug tinun-an sa sayong sayong higayon, si Joseph nakapadani sa pagtagad gumikan sa iyang kaabtik ug pagbaton og dalaygong mga mithi.  Gihalaran og kaminyoon tali sa usa ka tinahod nga anak nga babaye, si  Joseph midumili ug hinoon miapil sa pundok sa mga Capuchins sa iyang lungsod sa 1573. Naglikay sa mga kasabutang luwasnon nga ang katawhan usahay mopahigayon aron pagsunod sa hagit sa ebanghelyo sa masayong paagi, si Joseph midumili sa mga pagkaong makabusog ug makadulot og kasayon sa pamuyo samtang siya nangandam sa ordinasyon ug sa tahas pagwali.

Niadtong 1587, miadto siya sa Constantinople aron pag-alima sa mga  mga Kristyano nga naulipon ubos sa mga sa mga agalon nga mga Turkish. Gipriso gumikan sa iyang mga gibuhat, gipasidan-an siya sa pag-undang niini kon siya hatagan nag hingpit nga kaluwasan. Tuod man gipagawas siya, apan miusab gihapon sa iyang buluhaton. Gibilanggo gihapon siya ug gisilotan nga patyon.  Pinaagi sa milagro naluwas siya, mibalik sa  Italy diin nagwali ngadto sa mga kabos ug nagpaulig maayong kabubut-on sa mga nagkasungpaking kabanayan ug usab sa mga nag-away nga dakbayan sulod sa mga katuigan. Siya giilang santo sa tuig 1745.

PAMALANDONG

Ang mga Santo kanunay nga makatukaw nato tungod kay naghagit sila sa atong mga ideya kabahin sa unsay atong kinahanglanon alang sa “maayong pagpakabuhi”. “Malipayon kita kon…” moingon ta  nga nag-usik og igo-igong panahon sa mga lumalabayng bahin sa atong kinabuhi.  Ang tawo sama ni  Joseph of Leonissa maoy usa ka katuohang magwawali gumikan kay ang iyang kinabuhi nasubay man sa iyang mga gipamulong. 

SUGYOT NGA AMPO-AN – Nga kita maisogon ug sa kinasingkasing nga pagbati uban sa Dios…