Sinulat ni Elvira Bongosia
Ang Kagamhanang Probinsyal sa Bohol kauban sa Kagamhanang local sa syudad sa Tagbilaran gitakdang magpahigayon ug License To Own and Possess Firearms (LTOPF) caravan sa lalawigan.
Tanang expired ug bag-ong aplikante sa LTOPF ug naggunit ug firearm registration mahimong mopahimos sa one stop-shop processing and renewal of firearms license sa ipahigayong caravan sa Nob. 23 hangtod 26, 2021 sa Tagbilaran City College, sa Barangay Dampas ning syudad.
Aron mapatuman ang hapsay nga transaksyon atol sa caravan, gitambagan ang mga aplikante sa pagsunod sa mga schedule base sa gitakdang kategorya.
Ang unang adlaw sa LTOPF caravan, Nob. 23, 2021 alang sa mga empleyado sa gobyerno ug elected officials.
Ang Nob. 24, 2021 gitakda alang sa general public samtang ang Nob. 25, 2021 alang sa mga miyembro sa law enforcement units/Armed Forces of the Philippines.
Ug ang katapusang adlaw sa caravan, Nob. 26, 2021 gitagana alang sa mga senior citizens.
Gitambagan ang mga aplikante sa pagdala sa print screen sa ilang FEO account ug 2 ka kopya, 2 ka photocopies sa ilang valid identification cards, ballpen, pencil, ug 2 ka 2×2 ID picture atol sa caravan.
Ang tanang aplikante gitambagan usab sa pagpahimos una sa mga serbisyo nga itanyag atol sa caravan sama sa drug test, neuro, gun safety ug national police clearance.
Samtang gitambagan ang mga aplikante sa pag-upload personally sa ilang FEO account sa mga mosunod nga requirements: photocopy sa valid ID; photocopy sa proof of income; photocopy sa NSO/passport; photocopy sa barangay clearance; photocopy sa proof of billing; gun safety certificate; ug national police clearance.
Alang sa dugang kasayoran kalabot sa LTOPF caravan, mahimong motawag sa Kapitolyo ug pangitaon si Kevin Damalerio pinaagi sa numero 09668010159.
