Nahimamat ni Sen. Christopher “Bong” Go ang overseas Filipino worker (OFW) nga atua magtrabaho sa Saudi Arabia nga iyang natabangan nga makauli dinhi sa Pilipinas.
Ang pangalan sa OFW mao si Malik Darimbang. Natanggong si Malik Darimbang ug mga unom ka tuig didto sa Saudi Arabia tungod sa usa ka kaso.
Niini, gibalik ni Go ang iyang awhag nga ipasar ang sugyot balaod aron matukod ang Department of Overseas Filipinos (DOFil).
“Masaya ako na makakapiling na niya ang kanyang pamilya ngayong Pasko dahil sa suporta ng iba’t ibang ahensya at ng mga pribadong indibidwal na kusang tumulong sa ating kababayan,” matud niya.(Malipayon ako nga iya na nga makauban ang iyang pamilya karong Pasko tungod sa suporta sa lain laing mga ahensya ug mga pribadong tawo nga mitabang sa atong kababayan.)
“Pero sana, magkaroon tayo ng mas maayos na mekanismo para dinggin at rumesponde sa iba pang mga Pilipino na may hinaharap na problema abroad. Tungkulin nating protektahan at alagaan sila kahit nasaan man sila sa mundo,” dugang pa niya. (Apan, hinaut unta nga aduna tay mas maayong paagi aron madungog ug marespondehan ang mga mulo sa ubang Pilipino nga nag-atubang ug suliran didto sa gawas sa nasud. Katungdanan nato nga amumahon nato sila bisan asang dapita sa kalibutan.)
Matud ni Go nga mas lig-on ang pagtabang sa mga Pilipino sa gawas sa nasud kon anaa ang DOFil .
Lumad nga taga Marawi City, nalambigit si Darimbang sa usa ka aksidente niadtong 2014 nga misresulta sa kamatayon sa usa ka Pakistani national didto sa Saudi Arabia.
Niadtong miaging Setyembre 2020, nangayo ug tabang ang banay ni Darimbang ug nakapangita ug usa ka pribadong tawo nga midonar ug kwarta nga gihatag isip blood money ngadto sa banay sa biktima.
Personal nga nakigkita si Go kang Darembang niadtong Dis. 16, 2020.