Sinulat ni Dave Albarado
Mga tinugyanan nagpasi-ugda ug groundbreaking alang sa usa ka Bagsakan Center nga tukuron sa lungsod sa San Miguel.
Ang maong gilaraw nga edipisyo tukuron pinaagi sa pondo gikan sa Department of Agriculture (DA) nga nagkatindad ug P9 million.
Ang groundbreaking gihimo niadtong Sept. 3, 2022 ug gitambungan sa mga tinugyanan sa DA ug mga lokal nga opisyal.
Matud pa sa taho, dakong tabang ang maong bagsakan center aron siguradong mabaligya sa nindot nga presyo ang ilang abot sa ilang mga umahan.
Ang bagsakan center mahimong presko ang mga produktong agrikultural sa mga mag-uuma sa lungsod sa San Miguel.
Makatabang ang bagsakan center nga dili madaot ang ilang produkto nga maoy hinungdan sa pagka-alkanse sa mga mag-uuma.
Makatabang sad ang bagsakan center nga mas mu-ubos ang presyo sa mga produkto nga agrikultural kun itandi sa presyo sa mga baligya sa merkado sa naglain laing lugar sa Bohol.
Sa iyang bahin, mapasalamaton si San Miguel mayor Ian Gil Mendez sa gihatag nga higayon sa DA nga tukuron ang bagsakan center sa iyang dapit.
Ang maong bagsakan center adunay gidak-on nga 576 square meters ug gikatakda nga mahuman ang pagtukod sa maong pasilidad
sulod sa walo ka bulan.