Paghigugma sa Kinabuhi, Dakong Bahandi
Ang buhatan sa Bohol Light Company, Inc. (BLCI) inubanan sa mga kwalipikadong empleyado, boluntaryong ni hatag ug donor sa dugo sa gipahigayon nga Bloodletting Program kaniadtong Marso 1, 2024 gikan sa alas otso sa buntag (8:00AM) hangtud sa alas dose sa udto (12:00NN), adlawng Byernes, didto sa Cogon Covered Court, Cogon District, Tagbilaran City. Ang tima niini nag-uluhan “YOUR BLOOD and SAVE LIFE” diin atong mapakita ang atong paghigugma sa kinabuhi isip dakong bahandi ngadto sa usag-usa.
Ang donasyon sa dugo usa sa labing maayo nga pamaagi alang sa usa ka tawo aron madugangan ang ilang taas nga kinabuhi gikan sa usa ka maka-daot nga sakit o injury
Ang mga katawhan buot mahibalo nga ang tanan deri sa kalibutan kinahanglan nga magpadayon sa iyang katungod sa pagpuyo ug paglungtad sa mas taas nga kinabuhi inubanan sa atong mga pag-ampo.
Kadtong nakapasar lamang sa screening procedures ang kwalipikadong makuhaan ug dugo. Kini gipahigayon aron masiguro ang kalidad sa dugo nga makuha ug mahatag kini ngadto sa mga kaigsuonang nanginahanglan.
Ang maong programa gipasiugdahan sa mga konseho sa Cogon District, inubanan sa pakigtambayayong sa mga tinugyanan sa Governor Celestino Gallares Memorial Hospital Blood Bank ug sa Tagbilaran City Health Office nga gipangulohan ni Dr. Jeia N. Pondoc, Tagbilaran City Health Officer. Malampuson ang maong kalihukan ug dako ang pasalamat niini ngadto sa tanang mga lokal nga ahensya nga wala nagmakuli sa paghatag sa ilang mga dugo aron matabangan ang mga indibidwal nga adunay grabe nga sakit o nanginahanglan ug usa nga emerhensya nga pagpuno sa dugo alang sa tukma niini nga circulation system sa lawas.
LANDBANKasama Program Pwede na’ng modeposito, withdraw sa dili bangko!
Sinulat ni Rey Anthony Chiu
Nasayud ka ba nga bisan kon walay duol nga Landbank of the Philippines (LBP) nga kadepositohan o kakuhaan sa imong desposito, pwede pa gihapon kini nga gimbihaton imong himoon sa LandBankasama Program.
Usa sa mga damgo sa mga tinugyanan sa nasud, nga us aka adlaw, ang tanan aduna nay bank accounts, ug kini gitubag sa LandBankasama Program, aron ang atong mga ordinary nga mga kaigsoonan, maka-avail sa mga serbisyo ug produkto, bisan pa kon walay Landbank sa ilang lugar, saysay ni Liezl Manilhig, Branch Manager sa LBP City Hall Branch dinhi sa Tagbilaran.
Unsaon man kini pagkahitabo?
Sa pagpadayag sa programa sa Landbank, nakigtambayayong kita sa mga negosyonte ug organizasyon, para sila makatabang sa LBP sa pagpaabut sa serbisyo ug produktong pinansyal, ilabi na kadtong mga lugar nga wala pay bangko o limitado ang serbisyo sa bangko.
Dili lang gegosyante ug organisasyon, lakip na ang gagmay nga mamumuhunan sama sa micro, small ug medium enterprises, mga tindahan, gasolinahan ug mga kooperatiba, dayag niya.
Didto sa Kapihans a PIA sa milabay nga semana, si Manilhig mibutyag nga sa tibuok Pilipinas, aduna na’y 1113 ka Landbankasama partners hangtud niadtong Dec 31, 2023.
Dugang niya, dinhi sa Bohol, aduna nay pito ka mga partners o LBP touchpoints.
Gilusad didto sa Pres. Carlos P. Garcia nga halayu ang labing duol nga Landbank, nakigpartner ang bangkos goberno sa ZVN Store, so inay motabok pa sa Ubay diin adunay banko sa Landbank, moadto lang sila sa nahisgutang tindahan aron didto nila mohimo sa ilang pagdeposit, withdrawal o fund transfers ngadto sa ilng mga padalhan sa kwarta o sa ilang kaugalingon usab nga account sa lain nga bangko, pasabut niya.
Gawas sa ZVN Store, aduna pay LBP Kasama Partners sa Sevilla: ang Sevilla Primary Multi Purpose Cooperative ug ang Sawang hardware and Construction Supply.
Sa Mabili, didto ang Aguipo Coconut Multi Purpose Cooperative, sa Alicia anaa ang Menes Hardware, sa Carmen anaa ang Carmen Samahang Mayon MPC ug ang Lamac Multipurpose Cooperative nga anaa Tagbilaran ug Carmen.
U gang panglantaw, ipalapad pa ang serbisyo aron mahimong 100% na ang LBP touchpoints sa nasud.
Alang niadtong mga buot makigpartner sa LBP, kinahanglan lamang nga adunay LBP Account ug P300,000 nga deposito. Human niana, kinahanglan na nga moduso sa mga dokumento nga gikinahanglan aron makakuha sila sa serbisyo isip kapartner, butyag ni Manilhig.
Pinaagi niini, gihimo sa LBP ang mga partners hiini aron mas mapalapad pa ang serbisyo nga gitanyag sa LandBank ngadto sa mga katawhan, dungan usab sa pagsuporta sa nasudnong kagamhanan aron mapalapad pa ang financial inclusion.
DILI NA MAHASOL PA. Kinahanglan ba nga makapadala ug kwarta ngadto sa anak nga naa sa Tagbilaran nag-eskwela apan naa ka sa isla? Pwede na nga moadto sa LandBankasama program touchpoint partners nga tindahan o koop, adto ideposito ug dili na kinahanglan pang motabuk sa mainland alang niini, pasabut ni Liezel Manilhig (tuo nga dapit) sa LBP City Hall Branch didto sa Kapihan sa PIA. (Hulagway gikan sa PIA-Bohol)
Ika-7 nga Farm Tourism Confab gibuksan
Sinulat ni Elvira Bongosia
Giabi-abi sa lalawigan sa Bohol ang kapin sa 300 ka partisipante nga gilangkoban sa mga mag-uuma, tag-iya ug umahan ug mahiligon sa pagpanguma gikan sa lain-laing rehiyon sa nasud ug gikan sa gawas sa nasud sa ika-7 nga edisyon sa Philippine Farm Tourism Conference nga gibuksan adlaw’ng Lunes, Pebrero 26, 2024, sa Bellevue Resort sa lungsod sa Panglao.
Ang kaugalingong potensyal sa Bohol isip investment area maoy usa ka taas nga punto sa komperensya samtang ilang hisgotan ang mga palaaboton sa negosyo sa turismo sa uma.
Gipasiugdahan sa Panggamhanan sa Lalawigan sa Bohol, ang komperensya, nga may temang “Farm Tourism: Consciousness for Healthy Living and New Experiences,” magpakita sa mga nakat-onan gikan sa pandemya, ug magpaambit sa labing maayo nga mga gawi, nga nagtinguha sa paghatag ug sosyal ug ekonomikanhong empowerment sa mga komunidad sa panguma.
“Uban sa atong tema nga Farm Tourism: Consciousness for Healthy Living and New Experiences, nasayod ko nga kining panagtapok maghatag kanato ug dugang kaalam sa atong mga best practices ug motibasyon samtang atong palig-onon ang atong sektor sa agrikultura ug turismo,” mensahe ni Gob. Erico Aristotle Aumentado atol sa pagbukas sa programa.
Gidugang pa sa gobernador nga kini usab nga mga kahigayonan alang sa dugang kalamboan sa atong ekonomiya.
Si Kanhi Tourism Secretary ug karon International School of Sustainable Tourism (ISST) chairman ug president Dr. Mina Gador miingon nga ang komperensya karong tuiga magtutok sa malungtarong pagtubo pinaagi sa pagtikad sa mga prutasan ug utanon nga umahan, aquaculture ug artisanal fisheries, ug green investments sa farm tourism.
Ang mga hilisgotan sa 3 ka adlaw nga confab naglakip sa industriya sa pagkamaabiabihon nga nagsagop sa malungtarong konsepto sa farm-to-table, pagproseso sa mga prutas ug utanon – yawe sa seguridad sa pagkaon, husto nga pagpamaligya ug kita, dugang nga mga benepisyo sa artisanal nga pangisda, pagbag-o sa multi- milyon ka pesos nga seaweeds industry, ang pompano fish isip umaabot nga star of aquaculture, ug green investment sa agrikultura ug turismo sa Asian setting.
Ang confab aduna usab usa ka exhibition area nga gipangulohan sa Department of Trade and Industry (DTI) diin gipakita ang mga produkto sa agrikultura ug ubang mga produkto.
Ang komperensya maghatag usab sa 4th Lakbay Bukid Awards sa lima ka lokal ug langyaw nga indibidwal ug organisasyon nga nakatampo sa pagpalambo sa turismo sa uma sa Asya.
Gipangunahan nila Gob. Erico Aristotle Aumentado (sa wala) uban nila Department of Tourism (DOT) Undersecretary Mae Elaine Bathan (sa tunga) ug Kanhi Tourism Secretary ug karon International School of Sustainable Tourism (ISST) chairman ug president Dr. Mina Gador (sa tuo) ang pagbukas sa ika-7 nga edisyon sa Philippine Farm Tourism Conference nga gibuksan adlaw’ng Lunes, Pebrero 26, 2024, sa Bellevue Resort sa lungsod sa Panglao. (Hulagway gikan sa PIA-Bohol)
Cash gift sa edad 80, 85, 90, 95 gilagdaan na ni PBBM
Sinulat ni Elvira Bongosia
Ang mga Filipino octogenarians ug nonagenarians, o kadtong anaa na sa 80s ug 90s, makadawat na ug P10,000 nga financial assistance matag lima ka tuig human gilagdaan ni Presidente Ferdinand R. Marcos Jr. ang gipalapdan nga Centenarian Law niadtong Lunes sa Palasyo sa Malacañan.
Ang Republic Act No. 11982 naglakip sa tanang Filipino, nagpuyo sa Pilipinas o sa gawas sa nasud, nga makadawat ug cash gift inig abot sa 80 anyos ug matag lima ka tuig hangtod sa edad nga 95.
Ang kasamtangang RA No. 10868 o ang Centenarian Act of 2016 naghatag lamang ug usa ka higayon nga cash incentive nga P100,000 ngadto sa mga centenarians, o kadtong nakaabot sa edad nga 100, uban ang sulat sa pagpasalamat nga gilagdaan sa Presidente o posthumous plaque sa pag-ila kun ang centenarian namatay.
Gitawag ni Presidente Marcos ang gipalapdan nga balaod isip pagpasidungog sa kinaiya sa mga Pilipino sa kalooy ug nagpakita sa mabination ug mahigugmaong pag-atiman sa mga tigulang.
Ang RA 11982 nagmugna usab ug Elderly Data Management System aron mailhan ang mga senior citizen nga angayan nga makapahimos sa mga benepisyo sa gipalapdan nga balaod, pag-ila kun namatay ang centenarian.
Ang Grant of Benefits to Filipino Octogenarians nagpalapad sa coverage sa RA 10868, o ang Centenarians Act of 2016, aron i-apil ang tanang Pilipino, nagpuyo man sa Pilipinas o sa gawas sa nasud aron mahimong makadawat sa cash gift nga nagkantidad ug P10,000 sa pag-abot sa edad nga 80 ug matag lima ka tuig pagkahuman, o hangtod sa edad nga 95.
Gipasabot usab sa Presidente nga ang pagpalapad sa coverage sa Centenarians Act usa ka pagpasidungog sa kinaiya sa mga Pilipino sa pagkamabination, ug sa kultura sa Pilipinas, nagpakita kini ug dugang nga pagkamabination ug kalooy sa mga tigulang.
Giila usab sa balaod ang himsog, aktibo ug taas nga kinabuhi sa mga tigulang.
DSWD-7 nihatag ug pasidungog sa media sa labing una nilang ‘Media Pasalamat’
Sinulat ni Elvira Bongosia
Nagpasiugda sa kamahinungdanon sa pagtukod ug lig-on nga media partnerships aron makuha ang mensahe sa mga serbisyo sa gobyerno ngadto sa publiko, ang Department of Social Welfare and Development (DSWD)-7 miila sa pipila ka mga entidad ug personalidad sa rehiyon.
Ang DSWD-7 nipahigayon sa ilang labing unang ‘Media Pasalamat’ nga may tema nga “Keeping People Informed on Social Welfare and Development in the Ever-Changing Media Landscape” sa syudad sa Sugbo niadtong Pebrero 22, 2024.
Ang kalihokan sa ‘Media Pasalamat’ nagpasiugda ug awarding ceremony alang sa mga outstanding media partners sa field office, lakip ang mga information officers sa Philippine Information Agency (PIA) Regional Office 7 nga sila si Hazel Gloria (PIA-RO 7), Robinson Cabardo (PIA-RO7), Elvira Bongosia (PIA-Bohol) ug Roi Anthony Lomotan (PIA-Negros Oriental).
Kini nga mga pasidungog nagsilbi nga pasalamat sa DSWD-7 sa industriya sa media sa Central Visayas tungod sa pagka-kasaligan nga kauban sa pagsumpo sa fake news; pagpaambit sa husto nga impormasyon ug mga update; ug pagtabang sa pag-edukar sa publiko bahin sa DSWD.
Sa iyang mensahe, gipresentar ni DSWD-7 Regional Director Shalaine Marie Lucero ang mga kalampusan nga nakab-ot pinaagi sa mga nagkalainlaing programa ug serbisyo nga gipatuman sa ahensya.
Sa samang higayon, gipaila-ila usab ni Lucero ang mga bag-ong programa sa ahensya sama sa Oplan Pag-abot Program; Tara, Basa Program; Walang Gutom 2027: Food Stamp Program; ug Buong Bansa Handa.
Highlight sa ‘Media Pasalamat’ mao ang paghatag ug plaque of appreciation sa mga kaubang government information agencies ug local media workers sa ilang makanunayong pagsuporta sa pagpakaylap ug saktong impormasyon kabahin sa DSWD.
Kauban ni Lucero sila si Assistant Regional Director for Operations Juanito Cantero ug Assistant Regional Director for Administration Tonyson Luther Lee sa pagtunol sa plake sa mga gipasidunggan.
Ang labing una nga DSWD 7 ‘Media Pasalamat’ gipangunahan sa Social Marketing Unit, ang sanga nga buhatan alang sa advocacy, promotions, education, and communications.
Ang mga information officers sa PIA-7 nga sila si Robinson Cabardo (PIA-RO 7), Hazel Gloria (PIA-RO 7 ug Elvie Bongosia (PIA-Bohol) kauban ni DSWD-7 Regional Director Shalaine Marie Lucero (hulagway sa wala) atol sa gipahigayong ‘Media Pasalamat’ sa DSWD-7 niadtong Pebrero 22, 2024 sa Golden Prince Hotel & Suites sa syudad sa Sugbo. (Hulagway gikan sa PIA-Bohol)